jتعاله نشوف اخر نكت فى الاسوق يارب تعجبكم مش عارف انما اخر نكت وله دى جديده تعاله نشوف

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
ــــــــــــــــــــــــــــــــــــــــــــــــــ ــــ
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ… فنزل الراجل وقال له : امال عايز ايه؟. قاله عايز بلونتين
ــــــــــــــــــــــــــــــــــــــــــــــــــ ـ
سأل الأب ابنه الراسب للسنة الثانية على التوالي : لماذا رسبت ؟ قال الولد : لأن المدرس أتى بنفس أسئلة العام الماضي
ـــــــــــــــــــــــــــــــــــــــــــــــــ
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي…تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
ـــــــــــــــــــــــــــــــــــــــــــــــ
مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."
ــــــــــــــــــــــــــــــــــــــــــــ
واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و….. قام العفريت قال حيلك حيلك إنت فهمت غلط .. أنا شاي و قهوة بس .
ـــــــــــــــــــــــــــــــــــــــــــــ
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"
ـــــــــــــــــــــــــــــــــــــــــــــــ
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"
ـــــــــــــــــــــــــــــــــــــــــــــ
مرة واحد مسطول راجع البيت متأخر قعد يخبط مراته قالتله ارجع مطرح ماكنت راح شايط صفيحة الزبالة خبطت في الباب ورجعت قطعت ودنه راح مزعق و مخبط أجمد قالتله برده مش هافتحلك راح شايط الصفيحة تاني خبطت في الباب و رجعت قطعت ودنه التانية راح مصرخ و قالها افتحي يا ولية الصفيحة هاتموتنيييييييييييييييييي
ـــــــــــــــــــــــــــــــــــــــــــ
واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو
ــــــــــــــــــــــــــــــــــــــــــــــ
النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه
ـــــــــــــــــــــــــــــــــــــــــــــ
خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار
ــــــــــــــــــــــــــــــــــــــــــــــ
آخر أعراض انفلوانزا الطيور: - الخوف من النبلة - هز الرقبة بطريقة غير عادية - الشعور بالرغبة فى الطيران - ظهور الريش تحت الإبط - الشعور بالخجل من الديوك
ــــــــــــــــــــــــــــــــــــــــــ
فار كل مايدخل الكازينو عشان يتسطل الفران الكبيرة تضربة وتخرجه برة، راح للاسديشكى له، الاسد قالة "انا هاخدمك بس ماتنسانيش معاك، انت تكتفنى بالحبل وتسحبنى للكازينو هيخافو منك"، وصل الفار الكل رحب بيه "اتفضل يامعلم فار ياكبير الحتة" وقعد يشرب لحد ما اتسطل، الاسد قاله "ايه يافار ادينى شوية" الفار راح ضربه برجلة وقاله "المعلم فار ياد"
ــــــــــــــــــــــــــــــــــــــــــ
واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين
ــــــــــــــــــــــــــــــــــــــــــ
شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟
ــــــــــــــــــــــــــــــــــــــــــ
مرة واحد اطرش وقف سواق تاكسي اطرش برده وقاله مصر الجديدة ؟
رد السواق وقال لا والله انا رايح مصر الجديدة
رد الراجل وقال معلش انا كنت فاكراك رايح مصر الجديدة
ــــــــــــــــــــــــــــــــــــــــــ
واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه
ــــــــــــــــــــــــــــــــــــــــــ
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .
ــــــــــــــــــــــــــــــــــــــــــ
مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .
ــــــــــــــــــــــــــــــــــــــــــ
مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!
قاك جايبلوا قفل صغير فقال بلديتنا يا خوووووى
ــــــــــــــــــــــــــــــــــــــــــ
مره دكتور عظام مشى بليل الكلاب طلعت تجرى وراه
ــــــــــــــــــــــــــــــــــــــــــ
واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"
ــــــــــــــــــــــــــــــــــــــــــ
مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه
ــــــــــــــــــــــــــــــــــــــــــ
ثلاثة مجانين طالعين فوق الشجرة ، جالهم الطبيب النفساني وقالهم انزلوا من فوق الشجرة
نزلوا اثنين وبقا واحد قاله انته ياللي فوق مانزلتش ليه ؟
صحبابه المجانين قال لو : سيبوا ، ده ليسة ماستواش
ـــــــــــــــــــــــــــــــــــــــــ
ابو العربي راح ع القهوة
قال لهم مش تباركوا لي مش انا خطبت البت سعااااااااااد
واحدرد علية وقال له يا راجل سيبك منها دي ماشية مع نص شباب بورسعيد
ابو العربي قال له يا راجل وهيا بورسعيد كلها أد ايه
ــــــــــــــــــــــــــــــــــــــــــ
واحد مصري يدرس في الخارج بعث لابوه رسالة كتب فيها في النهاية : ابعثلي على ص.ب 44 الاب لم يفهم الرساله. راح لصديقه يفهمه الرسالة قال له : ص. ب ؟ ايوة ده بيقولك : ابعث لي صندل بني مقاس 44 …
ـــــــــــــــــــــــــــــــــــــــــــ
مرة واحد صعيدى كبر دماغه ما عرفش يخرجها من الهدوم …
ــــــــــــــــــــــــــــــــــــــــ